土豪遊南非 在酒店遭打劫 全家一人挨一槍

中國土豪一早已經走出世界，去到全球都係豪玩豪遊，更加惹嚟唔少匪徒打主意，近日最嚴重一單就係廣西一家三口去到南非約翰內斯堡，入住機場附近酒店，在喺前台Check-in之際，竟然有一班南非持槍匪徒闖入，而且目標非常清楚衝住廣西一家而嚟，被劫嘅三人仲要一人挨咗一槍，其中女兒更加係頭部中槍，明顯係想致他們於死地，不過幸運地，三人都無生命危檢，目前仍喺醫院留醫中。

其實約翰內斯堡可以話係地球最危險嘅城市之一，好多時候海外嘅工作者去到該市，獲得嘅第一個忠告就係「南非其他地方可以去，係約䎐內斯堡請千萬不要在戶外流連」，據講連空姐、機師等一Off Duty都係即時坐公司車回酒店，然後絕不會踏出酒店半步，而酒店門口外亦長期有一班感覺非善類嘅人守住。而且當地人有一個根深蒂固嘅思想，就係中國人「好有錢，而且都只會帶Cash」，所以任何搶劫行為都會瞄準中國人。所以萬一大家有機會去到，小心被人誤中副車呀，好唔抵呀！